سيبوا العجل وإمسكوا رفعت ..!!
واحد بيقول عندنا زمان فى البلد راجل كان بيتعشى هو وعياله وفجأة دخل عليهم ( عجل )
من الزريبة..فقال الأب لإبنه الكبير قوم يا رفعت بسرعه إربط العجل أحسن ينطحنا كلنا ..
قام رفعت وهو مستعجل خبط اللمبه برأسه فكسرها وحول البيت لضلمه ..
ولسه بيتحرك حط رجله على الصينية فقلب الأكل على الأرض..
نط علشان ميدوسش على الأكل فجت رجله اليمين فى حِجر أبوه والشمال فى وشه..
وبعدين اتكعبل وقع على اخوه كسر دراعه.
فصرخ الأب لباقى أولاده وقال :
سيبوا العجل وإمسكوا رفعت .. !!!
سيبوا العجل وإمسكوا رفعت .. !!!
الشاهد : إنك هتلاقي كتير في الزمن ده ذي رفعت تصرفاته أغبى من العجل ..!!
