تعال فيني .. دام نورك غلبني
صوت الحنين اللي قراني غصبني
آمد كفي للسما واسقي النور
آحس نبض الروح فيني نهبني
وآحسه أقرب لي ولا بلل الدور
ماء الحياة اللي كسرني سكبني
كلي حنين وحيلتي شعر وشعور
يافتنة الصبح المسا ما شربني
إلا وأنا فيني مطر يغزل البور
هات الأيادي دام نورك تعبني
مابين روح وروح مافيه دستور
خل التعب يبني جروحه ونبني
سور الفرح دام الليالي لنا سور
أنت الوحيد اللي خياله خطبني
ماغيرك أحدٍ لمني طيش وعبور
سماي تمطر والجفاف اغتصبني
وش حليتي وانا بهالحال منثور
تدري ببال الريح سحرك كتبني
وتدري أحبك كلها نبض ممطور
تعال فيني .. دام نورك غلبني
البيت بيتك والتفاصيل للنور
يارب بخير
