طريقه عمل قرع العسل الحلو

الخميس يوليو 24, 2014 8:58 pm

[size=32]بسم الله الرحمن الرحيم[/size]

جايبالكم النهارده صينية قرع العسل الحلو بالباشاميل

انا باشتري القرع اللي لونه برتقالي غامق بيبقى احلى
و باسيبه بره في المطبخ كام يوم علشان يطرى و اعرف اقطعه
و احياناً بالاقيه جاهز مقطع في اطباق و ده طبعا احسن و اريح

نقطع القرع مكعبات و نحطه في حلة على نار هادئة و شوية سكر عليه
ونسيبه ينزل ميته على أقل من راحته ...بس ما نسيبوش يتهري لازم يبقى
شوية مقرقش علشان ما يبقاش عجينة في الصينية ....وبعد ما يخلص و نطفي
نحطله شوية فانيليا...ما بنحطهاش في الأول لان طعمها بيبقى مُرّ

بعد كده نحطه في مصفى يتصفى كويس

ناخد اللي نزل من المصفى و نزودعليه حليب سائل أو شوية لبن بودرة و نعمل بيه الباشاميل الحلو
بالطريقة العادية سمن و دقيق و نحط عليهم الخليط اللبن و المية بتاعة القرع و بنحط فانيليا في الآخر
ماشي لحد كده ؟؟؟؟

بجهز الصينية اللي هنعمل فيها و ندهنها شوية سمن و نحط شوية باشاميل

بعد كده نحط نص كمية القرع

ونحط مكسرات عليهم

ونكمل بقية القرع و نحط بقية الباشاميل على الوش

ونرش شوية سمن او زبدة و تدخل فرن تستوي

ولما تحمر من تحت و فوق نطفي و نسيبها تبرد وندخلها الثلاجه شوية
وبألف هنا و شفا

بالهناء والشفاء =)

الخميس يوليو 24, 2014 11:33 pm

السلام عليكم و رحمة الله

كيفك ي رب منيحهه

و الله ابدعتي باكلاتك كل دقيقة تحطي طبق جديد ههههعع

يمي يمي يمي

واااااااااااااااااااااااااااااااااااااااااااااو

اكيد لذيذه ههععع

تسلمي يا غاليه

:cfv:

الجمعة يوليو 25, 2014 2:11 am

بنوتهه كتب:
السلام عليكم و رحمة الله
كيفك ي رب منيحهه
و الله ابدعتي باكلاتك كل دقيقة تحطي طبق جديد ههههعع
يمي يمي يمي
واااااااااااااااااااااااااااااااااااااااااااااو
اكيد لذيذه ههععع
تسلمي يا غاليه
:cfv:

تــــــــــــــــســــلــــمـــيـــــلـــــــي يـــا ســــــــــــكـــــــــــررررررهـ