قواعد خلع الحفاضة الأربعون

" قواعد خلع الحفاضة الأربعون 
١_أصبري كتير
٢_طولي بالك🧕
٣_مالكيش دعوة بحد 
٤_انتي تقدري 
٥_بالهداوة مش بالقساوة
٦_العنف بيجيب نتيجة عكسية و الجريمة لا تفيد
٧_ابدأي في الصيف 
٨_شيلي السجاجيد و أقفلي المكاتب والدواليب وأىفعي عفش شقتك ١٠ سم عن سطح الأرض
٩_أصبري كتير
١٠_ ما تبتديش قبل عمر السنتين🧒
١١_ارجعي لقاعدة رقم ٣ مالكيش دعوة بحد
١٢_فرغي نفسك أسبوعين وأوهبي وقتك للمهمة العظيمة دى .
١٣_أخلعي الحفاض طوال اليوم يلبسه وقت الخروج أو النوم
١٤_كل ساعة لساعتين قعديه في الحمام من خمس لعشر دقائق
١٥_كلميه كتير في الموضوع .ه حتى لو كلامه قليل أو مش بيتكلم هيفهم يعني القطط هتتعود و هو لأ ؟
١٦_شجعيه كل ما يقعد في الحمام حتى لو ما حققش أهدافك النبيلة صقفي له و غني له وحسسيه إنه عظيم🦸
١٧_هو لسة بيتعلم طبيعي يبقى فيه خساير وملابس بتتوسخ وأرض بتتملى بي بي
١٨_افتكري العنف هيأخرك و الجريمة لا تفيد
١٩_أستخدمي طريقة المحاكاة أو التمثيل خلي لعبته المفضلة قعدته في الحمام 
٢٠_حطى في بالك أنه هيفضل كام مرة يغلط في التقدير و يعمل عملته بعد ما يقوم من الحمام بدقايق 
٢١_لما يحقق التارجت و يعمل المراد في الحمام احتفلي معاه و حسسيه بالإنجاز 🧒
٢٢_طولي بالك
٢٣_كتري عدد المشجعين: باباه و إخواته و المجتمع والناس
٢٤_لو بيخاف من الحمام حببيه فيه هاتيله سلم أو قاعدة صغيرة وستيكرات ملونة تكسر رهبته
٢٥_مالكيش دعوة بحد
٢٦_أقل من سنتين صعب .
٢٧_أكتر من ٣.٥ سنوات هيتعبك و يعاندك
٢٨_لو نجحتي في خلع الحفاض بالنهار حليتي ٩٠٪ من المشكلة
٢٩_ما فيش طفل بيتعود على الحمام عند ٧ شهور  الكلام ده بيقولوه عشان يعقدوكي لا سنه ولا لياقته يسمحو بده
٣٠_لو بيعمل و هو نايم ده مش بإيده حتى اسمه تبول لا إرادي إياكي تعاقبيه‍�
٣١_العنف هيأخر و الجريمة لا تفيد 
٣٢_ الصبر حلو
٣٣_قللي سوايل بالليل وما تنيميهوش زعلان 
٣٤_عوديه يدخل الحمام مباشرة قبل ما ينام
٣٥_اصبري كتير
٣٦_مع الوقت علميه الخصوصية في خلع ملابسه و دخول الحمام وعلميه النضافة بعد الحمام
٣٧_اتعبي شويه هترتاحي كتير 
٣٨_همسة في أذن الأب لو سمحت أوعى تزعلها في المرحلة دي و تقبل كل شيء منها و إلا قوم انت بالمهمة دي يا بطل
٣٩_اصبري وطولي بالك 
٤٠_أحتفلي مع طفلك بكل إنجاز يعمله حتى لو كان مجرد أنه بقي يعمل زي الناس
صوتك جاهز ولا لسه ️