نحن مسلمين .. ولكن

الثلاثاء مارس 09, 2021 1:55 am

يعنى ايه انى اكون منتمى للاسلام فيه مسلمين كتير بالهويه يعنى اتولد اتلقى ابوه وامه مسلمين لكنه يمكن انه لا ينتمى للاسلام بشىء البته والله
لكن ازاى نكون مسلمين احقاء نستاهل الكلمه دى ننتمى لهذا الدين فعلا

لو جينا نشوف نعم الله نجدها لا تعد ولا تحصى واعظم هذه النعم نعمه الاسلام
لكن احنا فعلا مسلمين احقاء؟ ولا بالهويه بس؟

كيف انتمى للاسلام؟
بان اكون مسلما فى عقيدتى وعبادتى واخلاقى ومع اهلى وان اؤمن ان المستقبل للاسلام
ايه الكلام الكبير ده انا مش فاهم حاجه؟
طب براحه كده وانا هقولك على كل حاجه ......
الاول تعاوا نشوف ازاى اكون مسلما فى عقيدتى:
الاول لازم تكون عقيدتنا فى الحياة صحيحه سليمه خاليه من اى شوائب وتتوافق مع القران والسنه
طب ازاى تكون عقيدتنا سليمه؟؟؟
انا اقولك :
1- لازم نؤمن ان خالق الكون اله حكيم عليم قدير قيوم ابع الكون فى احسن صورة واتقن كل شىء
ابسط مثال: ربنا ليه خلق الاشجار عشان تاخد مننا ثانى اكسيد الكربون وناخد منها الاكسجين تخيل كده ان مكنتش الاشجار دى موجوده؟؟

2- ان اؤمن ان الخالق جل شانه لم يخلق الكون عبثا
قال تعالى(افحسبتم انا خلقنكم عبثا) ربنا خالقنا لرساله معينه هيا تعمير الارض

3- الله ارسل الرسل لتعريف الناس بالله وغايه خلقهم وطبعا ده من رحمه اللع على عباده عشان ميعيشوش فى ضلال وعشان نعرف سر الحياة والسعاده بمعرفه الله فمن عرف الله فقد عرف كل شىء ومن فقد الله نا وجد شىء

4- ان الغايه من وجود الانسان هى معرفه الله عز وجل كما وصف نفسه ولازم نكون ربانين دايما بان يكون قلبنا متعلقا بحب الله دائما ونكون رهبان بالليل وفرسان بالنهار ونتقرب لله بمعرفه اسماؤه ومعانيها

5- ان نؤمن بان جزاء المؤمن المطيع الجنه وجزاء العاصى النار طب محنا عارفين لا مش كفايه المعرفه لازم يبقى فيه يقين واعتقاد بكهده يا جماعه الصحابه كانوا يشتموا رائحه الجنه الا تريد ان تشتم رائحتها فيجب ان تكون الجنه جوانا ادام عنينا هدفنا

6- الانسان يكسب الخير والشر باختياره لكن لا يقع الخير الا مشيئه الله ولا يقع الشر جبرا عن الله وسر التوفيق طلب العون من الله دايما

7- لازم نؤمن ان الكون تشريع ربانى يناسب العلم كله وتشريع يناسب كل مكان وكل زمان

8- لازم نتعرف كمان على اسماء الله والتامل فى معانيها كويس وممكن يكون لينا حظ من الصفات دى بما يناسب بشريتنا طبعا

9- التفكر فى خلق الله وفعلا دى من احسن العبادات

10 - ان اعبد الله تعالى ولا اشرك به شيئا ولا اخاف الا الله سبحانه يعنى مينفعش اقول انا عبد المامور لا انا عبد الله وحده

11- ان اخشى الله ولا اخشى غيره خشيه تدفعنى بالبعد عن المحرمات فتذكر دائما (انا اخشى الله)

12- ذكر الله دائما وذكر الله سبب من اسباب طمانينه القلب ( الا بذكر الله تطمئن القلوب)صدق الله العظيم

13- ان احب الله حبا يجعلنى مشغوفا بجلاله متعلقا به وتذوق حلاوة الايمان والجهاد فى سبيله والتقرب اليه

14- ان اتوكل على دائما فى كل شىء والنقطه دى مهمه جداااا ولازم نطلب عون الله دايما

15- استغفار الله دايما

16- ان اراقب الله فى سرى وجهرى الله ناظر الى ومطلع على

17- ان اشكر الله دائما على نعمه التى لا تعد و لا تحصى

( اللهم ارزقنى قلبا شاكرا ولسانا ذاكرا وبدنا على البلاء صابرا)
يااه انا المفروض اعمل كل ده طب ازاى ؟
ازاى دى بقى انت ونفسك ادخل معاها حرب وانتصر عليها فى الاخر واما تكون من اللى بيتبعون شهواتهم او من الصنف اللى بيجاهد مع نفسه
طب ازاى انتصر ؟
بحاجتين ان يكون عندك قلب محب لله قوى فى الايمان حيا رقيق ويكون عندك عقل مدرك واعى
نجى لتانى حاجه ازاى اكون مسلما فى عبادتى؟
تعالوا نشوف يعنى ايه كلمه عبادة هى نهايه الخضوع وقمه الشعور بعظمه الله وهى الصله بين المخلوق والخالق
اكون مسلما فى عبادتى بالتى
قيام الليل-قراءة القران-الخشوع فى جميع عباداتى-الاحسان فى العبادة-النوافل-حريصا على التعلم-استحضار النيه فى كل عمل –يقين فى نصر الله دائما
تالت حاجه انى اكون مسلما مع اهلى بحسن خلقى معاهم وحبهم وقضاء حوائجه وبر الوالدين
وبكده وباختصار شديد تبقى تكون منتمى للاسلام بحق مش مسلم بالهويه؟؟ ولا ايه
طولت عليكم سامحونى ادعو الله ان اكون افادتكم وانى احبكم فى الله دوما نسيت اقولكم انا استعنت بكتاب ل( فتحى يكن
منقول للفائدة